Skip to content
Министерство за енергетика, рударство и минерални суровини на Република Северна Македонија потпиша Меморандум за разбирање со CFS Media & Advisory DOO, кој вклучува порталот Balkan Green Energy News и регионалниот Београдски енергетски форум, со цел да ја зголеми меѓународната видливост на енергетските реформи што се спроведуваат во земјата.
Според соопштението, меморандумот треба да создаде рамка за унапредување на енергетската транзиција, инвестициите и зелената економија, како и зајакнување на регионалната соработка и поддршка на процесот на европска интеграција на Северна Македонија. Активностите вклучуваат координирани акции за промоција на стратешките приоритети во енергетскиот сектор, размена на информации и искуства, како и поддршка за реформските процеси.
Министерката за енергетика, Сања Божиновска, истакна дека ваквите партнерства се важни за јакнење на институционалната соработка и унапредување на позицијата на земјата во регионалните и европските енергетски иницијативи. Таа додаде дека регионалната соработка и заеднички пристап кон развојот на енергетскиот сектор се клучни за обезбедување стабилен, одржлив и конкурентен енергетски систем.
Од партнерската компанија изјавија дека со овој меморандум се воспоставува јасна основа за соработка насочена кон промоција на енергетската транзиција, инвестициите и регионалното поврзување, изразувајќи задоволство од воспоставеното партнерство за поддршка на реформските процеси.