Трамп наивно „загриза“ на изјавата на Обама за вонземјаните

Американскиот претседател Доналд Трамп денес го обвини поранешниот претседател на таа земја, Барак Обама, за наводно откривање класифицирани информации кога неодамна изјави дека постојат вонземјани.

„Тој откри класифицирани информации и не требаше да го стори тоа. Направи голема грешка“, рече Трамп, според Ројтерс.

Кога беше прашан од новинар дали знае дали постојат вонземјани или не, Трамп рече дека „не знае“.

Она што всушност го напиша на социјалните мрежи е следното:

„Статистички, вселената е толку огромна што шансите се големи дека постои живот надвор од Земјата. Но, растојанијата меѓу сончевите системи се толку големи што можноста вонземјани да нè посетат е мала. За време на мојот претседателски мандат, не видов никакви докази дека вонземјаните стапиле во контакт со нас. Навистина“, напиша Обама во објава на Инстаграм.

Тој ги отфрли теориите дека се кријат во воената база Област 51 во американската држава Невада.

„Тие се вистински, но јас не сум ги видел. Не се во Област 51. Нема подземен објект, освен ако нема огромен заговор што се крие од претседателот на Соединетите Американски Држави“, рече подоцна Обама.

Потоа, Обама појасни дека нема докази дека вонземјаните контактирале со Земјата.