Излезе од печат нова илустрирана книга за деца „КУКЛА“ од Мирјана Димова

Денес излезе од печат нова илустрирана книга за деца „КУКЛА“ од авторката Мирјана Димова.

Станува збор за нежна и поетска приказна што ја доведува до констраст суровоста на природата со внатрешната топлина и имагинација на детето. Приказната за Лидија е истовремено кревка и наликува на сон, доловувајќи ја осаменоста, убавината и тивката отпорност на визуелно-евокативен начин.

Илустрациите ги изработи Билјана Билбилоска.

Мирјана Димова е родена во Битола. Високо образование завршила на универзитетот св. Кирил и Методиј, на департманот е-бизнис, во 2015 година. Студирала и на универзитетот Hochschule für Technik und Wirtschaft во Берлин. Зборува англиски и германски јазик. Со пишување започнала на 18 години. Живее и работи во Скопје.

Билјана Билбилоска е визуелен и мултидисциплинарен уметник, а со илустрација се занимава повеќе од 10 години. Нејзиното портфолио вклучува соработки со неколку домашни и странски издавачки куќи, а веќе три години активно е ангажирана во издавачка дејност во Мериленд, САД. Дипломирала и магистрирала на Факултетот за ликовни уметности во Скопје, при Универзитетот Св. Кирил и Методиј, а во моментов е на постдипломски студии на институтот ИНАЛКО во Париз.

Книгата е со невообичаена димензија и претставува интересно и синематично искуство за младите читатели.