Прогноза, Македонија од петок влегува во пролетен пресврт

Македонија денеска останува под облаци, со локален дожд и посвежо време во повеќе делови од земјата, но од четврток времето постепено ќе се стабилизира. Оо петок се очекува повеќе сонце, пораст на дневните температури и помирна пролетна слика, особено во централните и југоисточните делови.

Најсвежо ќе биде во западните и повисоките места, каде утринските температури во четврток ќе се спуштат блиску до нула, а во Прилеп и под нулата. Најтопло до петок ќе биде во Скопје, Тетово, Гостивар, Кавадарци, Велес, Штип, Кочани, Гевгелија и Струмица, каде дневните температури ќе се движат од 18 до 21 степен.

Денешниот ден ќе биде најнестабилен, со облачност и повремени врнежи во повеќе региони. Во четврток ќе има постепено расчистување, но утрата ќе останат свежи. Петок ќе донесе најпријатна пролетна слика, со сончеви периоди и повисоки дневни температури, погодни за патување и активности на отворено.