Skip to content
Архивата на јавни собири објави дека, според нивната проценка, на протестот „Ти и јас, Славија“ што се одржа вчера во Белград се собрале помеѓу 180.000 и 190.000 граѓани.
Проценката на Архивата на јавни собири се базира на измерената површина на собирот од 107.000 квадратни метри и просечен коефициент на густина од околу 1,7 луѓе на квадратен метар, објавија на социјалните мрежи.
Втор најголем протест во Србија од падот на Милошевиќ, рекоа тие.
Beograd, 23. maj: Na protestu „Ti i ja, Slavija" okupilo se između 180.000 i 190.000 ljudi. Procena AJS zasnovana je na izmerеnoj površini skupa od 107.000 m² i koeficijentu prosečne gustine od ≈1,7 osobe po m². Drugi najveći protest u Srb od pada Miloševića.
— Arhiv javnih skupova /Archive of Public Assemblies (@javniskupovi) May 24, 2026
Foto: N. Jovanovic pic.twitter.com/WP5HA29yMX
Директорот на полицијата Драган Васиљевиќ вчера ја презентираше полициската проценка за бројот на луѓе на митингот организиран од Студентите во Блокада.
„Во врска со бројот на луѓе на овој јавен собир, се проценува дека се присутни околу 34.300 граѓани. Собирот трае од утрово, граѓаните започнаа од голем број места, проценката што ја даваме е прецизна, има и големо флуктуирање на граѓаните“, рече директорот на полицијата Драган Васиљевиќ.
Од друга страна, Архивата на јавни собири објави на социјалната мрежа X, од каде што напишаа дека проценката на масата од над 100 илјади луѓе е тешка и дека во текот на вчерашниот ден нема да објавуваат проценки за бројот.
