Skip to content
Најголемото изненадување на Вимблдон досега е Наоми Осака, која ја елиминираше светската тенисерка број еден Арина Сабаленко во осминафиналето и избори место меѓу осумте најдобри.
Јапонката победи убедливо со 6:2, 7:6 (7:2) по еден час и 29 минути игра, нанесувајќи ѝ еден од најтешките порази на Белорусинката оваа сезона и завршувајќи го својот поход кон титулата во Лондон.
Осака наметна агресивен ритам од самиот почеток на натпреварот и искористи две можности за брејк за убедливо да го добие првиот сет со резултат од 6:2, додека Сабаленка не успеа да ја пронајде препознатливата игра во која доминираше во поголемиот дел од сезоната.
Во вториот сет, двете тенисерки беа сигурни во својот сервис, па победникот беше решен во тај-брејк. Таму, Осака повторно покажа поголема концентрација и стигна до триумфот без поголеми проблеми, добивајќи го тај-брејкот со убедливи 7:2.
Поразот на Арина Сабаленка е најголемото изненадување во женскиот дел од турнирот досега, со оглед на тоа што тенисерката број еден во светот се сметаше за една од главните фаворитки за освојување на трофејот на трева на Ол Ингланд Клубот.
Во борбата за полуфиналето, Осака ќе игра против Чехинката Каролина Мухова, која по одлична борба ја победи својата сонародничка Барбора Крејчикова со резултат од 7:5, 5:7, 6:3.
На прашањето дали сè уште се чувствува како број еден, 28-годишната Белорусинка одговара:
„Ова прашање, момци… Ајде да ја погледнеме ВТА листата, јас сум број еден на неа. Вчера бев, денес не бев на моето ниво на игра. Не ја гледам листата. Сакам целосно да се напијам, да заборавам на тенисот, а потоа да се обидам да се вратам во уште подобра форма!“
Сабаленка ја победи Осака три пати оваа година, но факт е дека јапонката игра во сè подобра форма.
„Се потрудив најдобро што можев, но не беше судено да биде така оваа година. Таа ме надвладеа. Чудно е чувството дека некој ме надвладува. Мислам дека моето ниво на игра беше ниско. Секој натпревар се чувствував полошо. Таа беше поагресивна. Можеби следниот пат треба да пристапам кон натпреварот поинаку… Не знам, мислам дека направив сè што можев со она што ми беше на располагање денес“, рече Сабаленка и додаде:
„Не играв на највисоко ниво, а таа го даде своето најдобро издание. Браво за неа, ѝ посакувам се најдобро. Само ќе се обидам да бидам подобра следната година.“
Белорусинката нагласува дека претежно ги држела емоциите под контрола.
„Се обидов да се адаптирам најдобро што можев. Сè оставив на теренот, но од некоја причина играв многу лошо. Можеби понекогаш бев премногу емотивна, но најчесто го држев под контрола. Такви денови едноставно доаѓаат“, вели Сабаленка и продолжува: „Денес не можам да бидам задоволна со ништо, но имаше неколку моменти кога можев целосно да се „одлепам“… Ја почитував тревата и оние што треба да играат по мене“, рече Сабаленка.
