Skip to content
Пред две години нето имиграцијата била 1,5 милиони луѓе: 2,7 милиони луѓе заминале да живеат во Германија во 2022 година, а 1,2 милиони луѓе емигрирале
Нето имиграцијата во Германија го достигна највисокото ниво во историјата во 2022 година, по избувнувањето на војната во Украина, јави ДПА.
Федералната канцеларија за миграција и бегалци вчера во Нирнберг соопшти дека нето имиграцијата тогаш била 1,5 милиони луѓе, односно четири пати повеќе од претходната година.
Според извештајот, 2,7 милиони луѓе заминале да живеат во Германија во 2022 година, а 1,2 милиони луѓе емигрирале.
Статистика за ова прашање се води од 1950 година.
Русија ја нападна Украина на почетокот на 2022 година, принудувајќи многу Украинци да бараат азил во Германија.
Податоците покажуваат дека 41 отсто од сите мигранти во Германија во 2022 година дошле од Украина. Потоа следат Романија (8 проценти), Полска (4 проценти) и Турција (3 проценти).
Во текот на годината, повеќето луѓе ја напуштија Германија заминувајќи за Романија, Полска и Бугарија, а исто така многу Украинци се вратија во својата земја.
