Еден од тројцата тинејџери обвинети за смртоносен пожар во куќа во Денвер, кој го подметнал како одмазда за украден мобилен телефон, е осуден на 40 години затвор, објавија денеска американските медиуми.
Во пожарот загинаа пет мажи од Сенегал, Џибрил Диол (29), Аја Диол (23), Кадија Диол (1), Хасан Диол (25) и шестмесечната Хава Баи, а три лица успеаја да избегаат од пламените јазици скокајќи од вториот на првиот кат од куќата, пренесува Еј-Би-Си Њуз.
Гевин Сејмур (19) се изјасни за виновен во јануари оваа година по една точка од обвинението за убиство од втор степен поради неговата улога во подметнувањето пожар на 5 август 2020 година, а судијката на Окружниот суд во Денвер, Карен Броди го осуди на максимална можна казна, пренесе весникот „Денвер пост“.
