Модна ревија на „Луј Витон“ во седиштето на УНЕСКО во Париз

Познатата модна куќа „Луј Витон“ вчеравечер организираше модна ревија во седиштето на УНЕСКО во Париз инспирирана од човековата убавина и убавината на тоновите на човечката кожа.

– Ова е оддавање почит на човечките суштества. Од црно преминува во темно-кафена, па од кафена и светло-кафеава во беж, потоа малку сива и на крајот во бела, објасни модниот дизајнер за машка облека, Фарел Вилијамс.

Манекени облечени во облека во сите нијанси на човековата кожа прошетаа околу огромниот глобус на тревата ишарана со препознатливите симболи на фирмата „Луј Витон“.