Skip to content
Европската банка за обнова и развој и ЕУ со гордост секогаш ги истакнуваат успешните приказни на компаниите кои од мали претпријатија, со соодветна имплементација на европските стандарди, се издигаат во конкурентни компании кои си го наоѓаат местото на конкурентниот европски пазар. Таква е приказната за компанијата Нехо од Скопје, која тие ја објавија по повод Светскиот ден на сладоледот.
За да го прославиме денот на сладоледот оваа година, ве водиме на патување до срцето на Скопје, Северна Македонија, каде што го насочуваме вниманието на извонредното патување на компанијата „Нехо“ и нејзиниот придонес во светот на сладоледот.
„Нехо“ е семејно претпријатие кое повеќе од две децении ги воодушевува љубителите на сладолед со слатки замрзнати вкусови. Основано во 2000 година од семејството Салихаси, претпријатието од трговец и дистрибутер на сладолед, прерасна во истакнат производител со репутација за квалитет и иновативност.
ЕБОР, со поддршка на Европската унија преку Инструментот за развој и иновации на претпријатијата од Западен Балкан (WB EDIF), обезбеди советодавни услуги на вториот по големина производител на сладолед во Северна Македонија со цел да му помогне да ги постигне своите следни пресвртници.
Од скромни почетоци до растечка компанија
Приказната на Нехо започна со фокус на трговијата и дистрибуцијата на сладолед, а во 2012 година раководството на компанијата, водено од визијата за раст и извонредност, одлучи да започне со производство на сладолед. Овој храбар потег го означи почетокот на новата ера за Нехо, движејќи ја напред со посветеност на креативноста и квалитетот и овозможи компанијата да се издвои од конкуренцијата.
Континуираното инвестирање во високата технологија беше камен-темелник на растот на Нехо, овозможувајќи ѝ на компанијата да развие над 80 различни производи за сладолед со различни форми и вкусови, кои ги воодушевуваат потрошувачите и домашниот пазар и на меѓународно ниво.
Менаџерскиот тим на Нехо е посветен да остане пред трендовите во индустријата и постојано да ги подобрува нивните процеси. Во 2023 година, тие иницираа значителна инвестиција за проширување на нивните капацитети за складирање и производство, воведувајќи модерни производни линии за зголемување на капацитетот, подобрување на ефикасноста и надградба на квалитетот и безбедноста на производите.
Исполнување на меѓународни стандарди за извозен пазар
Успехот на Нехо се протега многу подалеку од границите на Северна Македонија. Приближно 70 отсто од неговото вкупно производство се извезува низ регионот и во земјите на ЕУ, додека останатите 30 отсто ги задоволуваат потребите за слаткиот прозивод на локалниот пазар. Ова меѓународно присуство е доказ за придржувањето на Нехо до високите стандарди и неговата способност да одговори на различните барања на пазарот.
Така, како извозно ориентирана компанија, Нехо се соочува со строги регулативи на ЕУ и стандарди за малопродажба. За да ја зајакне својата позиција на постоечките пазари и да навлезе во нови, Нехо, со поддршка на ЕБОР, активно работи на усогласување со IFS (Меѓународни истакнати стандарди), бидејќи овој стандард е клучен за проширување во малопродажните синџири на ЕУ и идното учество во наддавање на тендери.
Патувањето напред
Визијата на Нехо е јасна: да стане доверлив снабдувач на премиум производи за сладолед во големите малопродажни синџири, како во Северна Македонија, така и ширум светот, преку посветеност на обезбедување висок квалитет што ги надминува индустриските стандарди. Стратешките инвестиции заедно со фокусот на квалитетот и развојот на вработените ја позиционираат компанијата добро за континуиран раст и успех.
Додека го славиме денот на сладоледот, го препознаваме Нехо не само за неговите вкусни производи, туку и за неговата посветеност на извонредноста и позитивното влијание што компанијата го има на локалните и меѓународните пазари за сладолед. Сладоледите до Нехо се светол пример за тоа што може да се постигне со страста, иновативноста и посветеноста на квалитетот.
