На кланот од Грчец му помагале пензионирани инспектори

Полицијата уапси двајца полицајци и еден член на криминалната група од  Грчец која е предводена од Шеваљ Муареми, кој е во бегство. Според достапните информации, полицијата на приведените лица им влегла во траг на преку апликацијата Скај која сега се смета за клучна во откривањето на криминалната банда.

Мионистерот за внатрешни работи Панче Тошкосвки вели дека во текот на денов приведените ќе бидат изведени пред судија на претходна постапка.  

„Во текот на вчерашниот ден се приведени се три лица од кои што две лица се поранешни полициски службеници. И во текот на денешниот ден од страна на Министерството за внатрешни работи, мислам дека и е поднесена кривична пријава за злосторничко здружување одавање на службена тајна против две лица поранешни полициски службеници. И мислам дека првичните информации говореа дека станува збор и за перење пари, и тоа поголеми износи.“ – Панче Тошковски министер за внатрешни работи.

Оваа акција на МВР следува по наредба на Обвинителството за организиран криминал и корупција. Според информациите станува збор за кривични дела кои се сторени а се поврзани со материјални докази. Инаку, водачот на криминалната банда од Грчец, Шеваљ Муареми е добро познат на македонската полиција. Неговото име се поврзува со неколку нерасчистени убиства, и други криминални дела.