Skip to content
Со гала-концертот „Љубов“, на кој настапија сопранот Ермонела Јахо и тенорот Чарлс Кастроново, синоќа во Античкиот театар беше отворено 66. издание на фестивалот „Охридско лето“.
Која е Ермонела Јахо, гласот што ја одушеви публиката со импресивниот настап на отворањето на Охридско Лето?
Ермонела Јахо е меѓународно призната како една од најистакнатите оперски пејачки актерки денес, прославена по нејзиниот длабок емоционален интензитет и убедлива сценска доминација. Редовно настапува во водечките оперски куќи во светот и е одликувана со титулата Витез на Орденот на уметностите и литературата за нејзиниот значаен придонес во уметноста и културата во Франција и на меѓународно ниво.
Нејзините бројни признанија ја вклучуваат наградата за вокална музика на ICMA во 2026 година за нејзините снимки од „Опера Рара“ „Доницети песни томови 5 и 6“, најдобра пејачка на германските награди OPER! во 2024 година, најдобар странски уметник на шпанските награди Opera XXI во 2024 година, уметник на годината на Меѓународните награди за класична музика во 2023 година и наградата на читателите на Меѓународните оперски награди.
Таа е амбасадор на уметници за „Опера Рара“ и „Опера за мир“ и член на Академијата на науките на Албанија. Од широко признати препознатливи улоги Ермомела Јахо настапувала како
Виолета (Травијата), Чо-Чо-Сан (Мадам Батерфлај), Суор Анџелика (Пучини), Адријана Лекуврер (Франческо чилеа), Ана Болејн (Доницети), Таис (Жил Масне), Луиза Милер (Верди) итн. Таа се појавила на најпрестижните сцени во светот, вклучувајќи ги Кралската опера во Лондон, Метрополитен опера во Њујорк, Театро Реал Мадрид, Театро ала Скала во Милано, Национална опера во Париз, Виенска државна опера, Баварска државна опера во Минхен, Театр на Шанзелизе во Париз, Гран Театр дел Лисеу, Театро Колон Буенос Аирес, Арена ди Верона итн. Неодамнешните ангажмани вклучуваат настапи во Лондон, Париз, Њујорк, Минхен, Цирих, Мадрид, Милано, Рим и Торе дел Лаго.
Ермонела Јахо е родена во Албанија и студирала пеење на Конзерваториумот во Тирана и Санта Чечилија во Рим. По завршувањето на студиите, таа победила на повеќе натпревари, што ѝ ги отворило вратите кон нејзината професионална меѓународна кариера. Нејзиниот репертоар се движи од барок, бел канто до веризмо. Нејзините живописни интерпретации и нејзината исклучителна идентификација со улогите што ги изведува се истакнати во сите нејзини рецензии.
„Економист“ ја опиша како „Огнен ангел… најпознатиот сопран во светот“, „Фајненшл тајмс“ „таа го вложува срцето и душата во своето пеење. Не обидувајте се дури ни да одолеете!“, „таа е длабоко трогателна во „Травијата“, „Индипендент“ како „најдобрата што Мадама Батерфли Лондон ја видела со години“, „Њујорк тајмс“ „Оваа сопранистка го пее звукот на душата“, а австралискиот „Дејли Телеграф“ ја опиша како „незапирлив феномен“. Ермонела Јахо е членка на Академијата на науките на Албанија и поддржува многу каузи. Таа е амбасадорка на YWCA на Албанија.
