Skip to content
По успехот на претходните изданија, годинава повторно ќе се одржи регионалната иницијатива „Meet Prespa 2026“, настан што има за цел да ги поврзе граѓаните од Северна Македонија, Албанија и Грција преку заеднички активности, дружење, спорт, култура и промоција на природните убавини на Преспанскиот Регион. Според организаторите, настанот претставува симбол на добрососедство и пример како прекуграничната соработка може да ги надмине административните граници и да создаде нови можности за локалните заедници.
На трети јули започнува шестото издание на фестивалот Meet Prespa.
Свеченото отворање ќе биде во 20:00 часот со училишниот двор во село Брајчино, по што ќе следи настап на групата Песриди. Забавата насловена како „Ноќ на интерпукции“ ќе трае со до 4 часот наутро.
Следниот ден, четрти јули ќе има богата културно уметничка програма која ќе започне на пладне и ќе трае се до три часот по полноќ.
Според досега најавените активности, во фокусот се:
- промоција на природните убавини на Преспанското Езеро и Националниот парк Галичица;
- велосипедски и пешачки тури низ преспанските села;
- презентација на локални земјоделски производи, особено преспанското јаболко;
- гастрономски понуди и дегустации на традиционална храна;
- културни настани и средби со учесници од Северна Македонија, Албанија и Грција;
- активности поврзани со одржлив туризам и прекугранична соработка.
„Meet Prespa“ се затвора на петти јули со традиционален летен поздрав до гостите со „Брајчинско котле“.
Преспа е еден од ретките региони во Европа каде што три држави делат заедничко природно и културно наследство. Токму затоа, иницијативи како „Meet Prespa“ се сметаат за важен придонес во градењето доверба меѓу луѓето од трите земји и во развојот на туризмот, културната размена и економската соработка. Последниве години регионот станува сè позначаен пример за прекугранично партнерство, поддржано и од европски програми за одржлив развој, заштита на природата и туризам.
Настанот доаѓа во период кога се интензивираат иницијативите за подобро поврзување на преспанскиот регион. Во тек се проекти за подобрување на прекуграничната инфраструктура меѓу Северна Македонија и Грција, вклучително и воспоставување нов граничен премин во областа Маркова Нога – Лемос, што значително би го олеснило движењето на луѓе и туристи во регионот.
Покрај инфраструктурното поврзување, Преспа сè повеќе се позиционира и како простор за заеднички културни и еколошки иницијативи. Регионални организации од трите држави преку мрежата „PrespaNet“ работат на зачувување на биодиверзитетот и природното наследство на Преспанското Езеро, додека бројни фестивали и културни настани ја промовираат Преспа како место на средба на различни традиции и култури.
