Skip to content
Од СДСМ денеска известија дека е креиран лажен профил на Фејсбук со злоупотреба на името, податоци и фотографии на претседателот на СДСМ, д-р Венко Филипче.
Како што се наведува во соопштението, „одд истиот лажен профил се шират несоодветни и лажни содржини, повици за членски книшки, повици за измислено здравствено осигурување а граѓаните се насочуваат на приватни пораки“.
СДСМ ги повикува граѓаните и членовите да не наседнуваат и да не споделуваат никакви лични податоци кои можат да им бидат злоупотребени од страна на измамниците кои го креирале.
„Разликата помеѓу официјалниот профил на претседателот на СДСМ и лажниот може да се препознае најлесно преку синиот беџ за ферификација којшто постои само на официјалниот профил на д-р Венко Филипче“, се вели во соопштението.
Од партијата информираат дека лажниот профил е веќе пријавен и дека очекуваат брза реакција за негово бришење.
