Skip to content
Со едноминутен молк и оддавање почит на загинатите денеска во македонското Собрание почна одбележувањето на 35-годишнината од независноста на Украина.
Посебната сесија ја организираше Интерпартиската парламентарна група за поддршка на Кримската платформа, а ја отвори потпретседателот на Собранието Антонијо Милошоски. Пред присутните се обрати и амбасадорката на Украина во Македонија, Лариса Дир.
Обраќање имаше и пратеникот Оливер Спасовски како претставник на Интерпартиската парламентарна група за поддршка на Кримската платформа.
Собранието претходно најави дека сесијата ќе се одржи токму на 24 август, денот кога Украина го одбележува Денот на независноста.
Украина на 24 август 1991 година го усвои Актот за прогласување независност, со што ја обнови својата државност по распадот на Советскиот Сојуз. Годинава земјата ја одбележува 35-годишнината од тој настан во услови на војната со Русија.
Одбележувањето во Скопје е дел од парламентарната поддршка за Украина и активностите поврзани со Кримската платформа, меѓународна иницијатива насочена кон прашањето за Крим и територијалниот интегритет на Украина.
