Трамп потпиша указ за „разубавување“ на американската престолнина 

Претседателот на САД, Доналд Трамп, денеска потпиша указ за одржување на безбедноста и уреденоста на американската престолнина за таа да биде „убава“.

„Американската престолнина треба да биде место каде што секој жител или турист ќе се чувствува безбедно во секое време. На автопатите, булеварите и во парковите треба да биде чисто, уредено и пријатно“, се вели во текстот на указот објавен од Белата куќа. 

Во посебна точка од указот се нагласува потребата Вашингтон да биде „убав“, а за спроведување на програмата за „разубавување“ на градот се задолжени повеќе институции, агенции и министерства.