Што ќе се случи со Коста К. кога ќе наполни 18 години?

Коста

Нинела Радичевиќ, мајката на Ана Божовиќ, убиена во белградското училиште „Владислав Рибникар“, бара српските власти да кажат каде ќе биде сместен Коста К. кога ќе наполни 18 години. Тој станува полнолетен летото 2027 година, а семејствата на жртвите сè уште чекаат одговор дали државата има план за неговото натамошно сместување.

Студентската листа во одговор за агенцијата ФоНет соопшти дека случајот е важно прашање со кое надлежните институции ќе се занимаваат по формирањето на новата влада. Во одговорот нема конкретен предлог каде би бил сместен Коста К.

Прашањето повторно се отвори по хаваријата во белградската Клиника за неврологија и психијатрија за деца и млади. Дел од пациентите биле отпуштени или префрлени во други установи, а Коста К. останал на клиниката, објави „Нова.рс“.

Коста К. имал 13 години кога на 3 мај 2023 година во училиштето уби девет ученици и еден припадник на обезбедувањето. Во Србија долната граница за кривична одговорност е 14 години, а меродавна е возраста во моментот на делото. За болничко задржување без согласност, српскиот закон предвидува стручна процена и судска одлука. Надлежните засега немаат објавено одлука за неговото сместување по полнолетството.

Рацин.мк ве прашува:

Кој најмногу придонесува говорот на омраза да стане нормална појава во Македонија?

Најчитано

Рацин.мк ве прашува:

Кој најмногу придонесува говорот на омраза да стане нормална појава во Македонија?