Шведска ја потврди уставната заштита на абортусот, измената стапува во сила во 2027 година

Шведскиот парламент конечно ја усвои уставната измена со која се заштитува правото на абортус. Одредбата ќе стапи во сила на 1 јануари 2027 година.

Одлуката беше донесена на 11 ноември, по претходното одобрување на предлогот во мај и парламентарните избори одржани меѓу двете гласања. Таквата постапка е задолжителна за промена на шведските основни закони.

Уставната одредба го обврзува законодавецот да одржува законска рамка што го штити правото на прекин на бременоста. Неговата конкретна содржина и условите за остварување остануваат предмет на законско уредување.

Според образложението на измената, ограничувањето на пристапот до абортус може сериозно да влијае врз слободата на жените да одлучуваат за сопственото тело и да го планираат својот живот. Владата посочува и на здравствените ризици што произлегуваат од небезбедни постапки кога пристапот до абортус е ограничен.

Иако постојното законодавство има широка политичка поддршка, целта на уставната заштита е да обезбеди посилна гаранција доколку тоа право во иднина биде оспорено.

Измената е дел од поширок уставен пакет, кој опфаќа и прашања поврзани со државјанството и слободата на здружување. Поради тоа, резултатот од гласањето за целиот пакет не треба да се толкува како издвоено изјаснување само за абортусот.

Рацин.мк ве прашува:

Кој најмногу придонесува говорот на омраза да стане нормална појава во Македонија?

Најчитано

Рацин.мк ве прашува:

Кој најмногу придонесува говорот на омраза да стане нормална појава во Македонија?