Skip to content
Претседателот на Црна Гора, Јаков Милатовиќ, изјави дека амбицијата на државата е да стане полноправна членка на Европската Унија до 2028 година, истакнувајќи дека европската интеграција останува клучен надворешнополитички приоритет на земјата, во услови на забрзани реформски процеси и напредок во преговорите со Брисел.
Во својата порака, Милатовиќ нагласи дека Црна Гора се смета за една од најнапредните земји-кандидати во процесот на проширување на ЕУ, при што властите во Подгорица очекуваат во наредниот период да се интензивираат активностите поврзани со затворање на преговарачките поглавја и усогласување со европското законодавство.
Тој додаде дека поставената цел за членство до 2028 година претставува политички и институционален предизвик, кој бара координирани напори на сите нивоа на власта, како и континуирана поддршка од Европската Унија во процесот на реформи.
