Skip to content
Необичен „натрапник“ предизвикал полициска интервенција во супермаркет во германскиот град Милхајм на Мајна, откако во текот на ноќта бил активиран алармот за провала.
Полицајците при пристигнувањето не пронашле провалник, туку мал еж во влезниот дел од продавницата. Од полицијата на шега го опишале како четириножен, мал и тркалезен натрапник без криминални намери.
Се претпоставува дека животното незабележано влегло во супермаркетот претходниот ден и останало затворено по завршувањето на работното време. Додека се движело низ продавницата, го активирало безбедносниот систем.
Ежот бил прегледан и било утврдено дека не е повреден, по што полицајците го пуштиле назад во природата.
