„Преспанскиот договор и улогата на Алексис Ципрас и Зоран Заев и неговите тимови се историски. Решија проблем кој на граѓаните им обезбеди мирно решение и отворија просперитет за идните генерации, но ЕУ не испорача почеток на преговори со Северна Македонија заради политичкото предавство на Франција“, истакна Мартин Шулц, претседател на Фондацијата Фридрих Еберт и поранешен претседател на Европскиот Парламент во видео обраќање на Меѓународната конференција за мир и одржлив развој во Атина по повод 6 години од Преспанскиот договор во организација на Институтот Алексис Ципрас и Фондацијата Заев.
„Двете држави постигнаа историски договор, а јас бев засрамен што ЕУ не испорача, како што беше ветено, дека ќе ги започне преговорите со Северна Македнија штом ќе се потпише договорот“, истакна Шулц.
