Skip to content
На социјалните мрежи се прошири видео на кое се пребојува мурал на Камала Харис, потпретседателката на САД и кандидат на демократите на претседателските избори откако победи Доналд Трамп.
Заедно со видеото на социјалните мрежи и во Дневникoт на ТВ Пинк беше наведено дека зградата се наоѓа во Приштина и дека варосувањето започнало веднаш по победата на Доналд Трамп.
Локацијата на муралот е всушност во Атланта.
Како течеше приказната, појаснува Вистиномер.рс.
На Фејсбук се појави тврдење дека „во Приштина, работник бил снимен како нанесува слој боја врз голем мурал посветен на демократскиот кандидат за претседател на САД и актуелниот потпретседател на САД“.
Идентични изјави беа споделени и на социјалната мрежа Х (Твитер), каде заедно со видеото еден корисник напиша: „Вчера во Приштина. Малку брзаа, па можеа да го остават пред некој да го види“.
ТВ Пинк истото го тврдеше и во Дневникот.
„Приштина, според сите проценки, е повеќе од загрижена за исходот на американските избори. Тоа го потврдува и видеото снимено во овој град, кое докажува дека имале поинакви очекувања и дека се надевале на победа на Камала Харис. Меѓутоа, по објавата дека новоизбраниот претседател на Америка е Доналд Трамп, веднаш беше обоен мурал со ликот на Камала на зграда во Приштина“, се вели во ТВ Пинк дневник со видео на кое се прикажува (ТВ Пинк, 11/10 /2024).
Пинк на својот портал објави и напис со наслов „Приштина ги брише трагите на поддршка за губитникот на американските избори“, додека порталот Политика.рс наведува дека „во Приштина го обезличиле муралот на нивната „сакана“ Камала.
Со пребарување на Google Maps, ја утврдивме точната локација на муралот – и јасно е дека тоа е Атланта, главниот град на Џорџија, сојузна држава на југоистокот на САД.
Видеото, како и самиот мурал на Камала Харис, е создадено во Атланта. Имено, откако видеото од пребојувањето на муралот стана вирално на социјалните мрежи, се огласи и авторот на муралот Крис Кларк.
Заедно со фотографија од муралот пред да биде насликан, Крис напиша:
„Пред да почнам да добијам 100 милиони ознаки, муралот на Камала секогаш требаше да биде привремен мурал. На интернет кружи видео на кое се гледа како се слика муралот, што бил планот цело време. Тоа е истиот ѕид каде што неколку месеци претходно го направивме муралот на Fight Night. Муралите се наменети како привремени реклами, а не да траат вечно. Троловите веќе почнаа да ги посетуваат моите страници на социјалните мрежи. Тие се толку среќни и радосни што го гледаат како исчезнува. Но, знаете ли што ме радува? Можам да се будам секој ден и да го правам она што го сакам. Колку луѓе можат да го кажат тоа? Без разлика кој победи или за кого гласавте, тој мурал е дел од историјата и јас сум горд што работев на него. Да продолжиме понатаму“.
Со пребарување на Google Maps, ја утврдивме точната локација на муралот – и јасно е дека тоа е Атланта, главниот град на Џорџија, сојузна држава на југоистокот на САД.
Фото: Скриншот/Карти на Google
Затоа објавите на социјалните мрежи ги оценивме како злоупотреба на визуелна содржина.
