Skip to content
Корисниците од шест улици во Скопје утре ќе имаат прекин во водоснабдувањето поради најавени работни активности на водоводната мрежа, информира ЈП „Водовод и канализација – Скопје“.
Без вода ќе останат корисниците од улиците „Индустрија“, „Перо Наков“, „Вера Радосављевиќ“, „Димче Милошевски“, „Боривое Милошевски“ и „Зендел Џемаил“, кои се наоѓаат во индустрискиот дел на Општина Гази Баба.
Прекинот ќе започне во 9:30 часот и ќе трае до завршувањето на замената на затворач на водоводната мрежа на улицата „Индустрија“ бб.
На корисниците од засегнатите улици им се препорачува навреме да обезбедат доволно вода за основните потреби. Информациите за активните прекини и дефекти се објавуваат и на сервисната страница на ЈП „Водовод и канализација – Скопје“.
