Вучиќ: Го знам Путин, доколку се почувствува загрозено ќе употреби нуклеарно оружје

„Доколку е загрозена безбедноста на Москва и неговите сили, доколку не гледа излез, јас ви кажувам дека Путин нема да се двоуми“ изјави српскиот претседател Александар Вучиќ за можноста неговиот руски колега да употреби нуклеарно оружје во војната со Украина.

Вучиќ рече дека тој добро го познава Путин и дека доколку се загрози безбедноста на Москва, тој нема да се двоуми да употреби нуклеарно оружје.

„Не знам што ќе им биде мета, но доколку метата е во круг од 500 до 1000 километри, за нас е исто. Се извинувам на граѓаните што не почнавме да работиме на време“ рече Вучиќ.

Српскиот претседател истакна дека неговата земја не доволно подготвена за нуклеарна војна.

„Ние сме тотално неподготвени во овој момент, имаме само 257 илјади места во скривниците. Мора да ја обновиме инфраструктурата и да дојдеме до број од околу милион и пол“ рече Вучиќ.

Ваквата изјава на српскиот претседател доаѓа по дозволата од САД, Украина да користи американско оружје со долг дострел за гаѓање на цели на руска територија по што Путин ја промени руската нуклеарна доктрина. Согласно измените Русија смее да користи нуклеарно оружје доколку е нападната со оружје од нуклеарна сила.