По 25 години Франција активираше нов нуклеарен реактор, еден од најголемите во светот

Франција го поврза нуклеарниот реактор Фламанвил 3 на својата мрежа во саботата наутро, соопшти државниот оператор ЕДФ, како прво дополнување на нуклеарната мрежа на земјата по 25 години.

Реакторот, кој започна со работа во септември пред поврзувањето со мрежата, станува активен 12 години подоцна од првично планираното и по цена од околу 13 милијарди евра – четири пати повеќе од првичниот буџет.

„Тимовите на ЕДФ го постигнаа првото поврзување на Фламанвил ИПР со националната мрежа во 11:48 часот. Реакторот сега произведува електрична енергија“, се вели во соопштението на ЕДФ.

Овој реактор е најголемиот во Франција со 1,6 гигавати (GW) и еден од најголемите во светот, заедно со кинескиот реактор Таишан од 1,75 GW, кој се базира на сличен дизајн.

Тој е првиот што е поврзан на мрежата по Civaux 2 во 1999 година, но се става во употреба во време на слаба потрошувачка, при што Франција извезува рекордно количество електрична енергија оваа година.

ЕДФ планира да изгради уште шест нови реактори за да го исполни ветувањето од 2022 година од претседателот Емануел Макрон како дел од плановите за енергетска транзиција на земјата, иако остануваат прашањата околу финансирањето и временската рамка на новите проекти.