Skip to content
Повеќе од 170 скијачи и сноубордери останаа блокирани на ски-лифт во Колорадо, откако дел од него напукна.
Официјалните лица истражуваат што предизвикало прекин на структурен дел од лифтот во одморалиштето Винтер Парк во Карпестите Планини во саботата. Лифтот автоматски запре откако пукнатината беше откриена додека луѓето се возеле на гондолите, оставајќи 174 лица блокирани.
Портпаролката на одморалиштето Џен Милер рече дека операцијата за спасување траела околу пет часа, а завршила околу 18 часот по локално време, а луѓето биле спуштени со јажиња.
Персоналот на ски патролата влезе во кабината на секоја гондола одозгора, а потоа ја спушти опремата на луѓето на земја пред да користи јаже опремено со седиште за да ги спушти патниците, рече Милер.
Не се регистрирани повреди, а работниците го менуваа делот од лифтот кој пукна во неделата. Но, Милер изјави за Колорадо Сан дека не е јасно колку време ќе биде потребно за да се поправи.
„Сигурно е непријатно“, рече таа. „Но, се случуваат дефекти и нашите тимови се обучени. Тоа не е поправка преку ноќ. Не сме сигурни колку време ќе биде потребно за да се поправи.“
