Skip to content
Во почетокот на декември 1955 година, во воздухопловната база во Колорадо Спрингс, заѕвони телефонот. Офицерите на стражарската позиција на Континенталната команда за воздушна одбрана (CONAD) – кои го чуваа воздушниот простор над САД и Канада – се замрзнаа, пишува Sky News.
Студената војна беше во полн ек и тензиите се зголемуваа.
Директорот за операции на командата, полковникот Хари Шуп, одговори на повикот. Од другата страна се слушна детски глас кој прашуваше „Додо Мраз ли е ова?“
Според ќерката на полковникот, Тери Ван Кирен, која сега има 75 години, нејзиниот татко на почетокот мислел дека тоа е шега и одговорил: „Јас сум командант на Центарот за борбено предупредување. Кој е тоа?“
Како одговор, детето почнало да плаче и прашало дали е еден од „помагачите на Дедо Мраз“. Полковникот потоа реши да си поигра, одговарајќи дека тој навистина е Дедо Мраз и изговори убедливо „хо-хо-хо“.
Овој изненадувачки повик ја започна речиси 70-годишната традиција на Барање Дедо Мраз, која им овозможува на децата ширум светот да го следат местото на престој на Дедо Мраз преку пренос во живо и телефонска линија на којашто одговораат волонтери. Сега е управуван од наследникот на CONAD, Северноамериканската воздушна одбранбена команда (НОРАД).
Но, како едно дете го добило телефонскиот број на полковник во американските воздухопловни сили? Американската стоковна куќа Sears објави оглас во локалниот весник во кој им кажува на децата дека можат да му телефонираат на Дедо Мраз, објаснува Тери.
„Тие напишаа една погрешна цифра во телефонскиот број. А тоа беше тајниот број на тато“.
Полковникот Шуп се јавил во телефонската компанија и побарал нов број за неговата канцеларија. Во меѓувреме, телефонот во CONAD продолжи да ѕвони и полковникот Шуп им рече на лушето од неговиот персонал дека треба да одговараат на повиците како Дедо Мраз.
Според приказната што ја раскажа Тери, на 24 декември истата година, нејзините родители пристигнале во базата за да им достават колачиња на дежурните и го нашле воениот објект во невообичаено празнична состојба. Сликата на санката ја нацртал картограф на плексиглас – кој се користел за означување на локацијата на неидентификувани летечки објекти.
Потоа, дознаа дека тато се јавил во радио станицата. „Ова е полковник Шуп, командант на Центарот за борбено предупредување во Колорадо Спрингс. И имаме неидентификуван летечки објект. Па, изгледа како санка“, вели Тери.
Тери, која живее во Касл Рок, Колорадо, имала шест години кога нејзиниот татко станал „Полковник Дедо Мраз“. Таа вели дека NORAD Santa Tracker, кој секоја година допира до милиони деца ширум светот, е негово „наследство“.
Следењето на Дедо Мраз од страна на NORAD е само по себе воена операција која започнува на 1-ви декември. Бригадниот генерал Џоселин Шермерхорн, висок американски воен офицер во Канада, раскажува за Sky News како се одвива денот на Бадник.
„Имаме околу илјада луѓе кои се собраа за да формираат оперативен центар кој се користи за следење на Дедо Мраз и дозволува секој да му се јави и да провери каде се наоѓа“.
Волонтерите се одговорни да одговараат на повиците на десетици илјади деца ширум светот. Во 2022 година, во вселенската база Петерсон беа одговорени 78.000 повици. Тери беше еден од тие волонтери 10 години. „Секогаш носев маица со слика на татко ми. На неа пишуваше: „Татко ми е полковник Дедо Мраз“.
Што е следно за кампањата на Дедо Мраз? Тери вели дека приказната на нејзиниот татко е толку добро позната што „имала неколку барања да биде снимена како филм“, според Sky News.
