Ќе носиме зимски јакни до Велигден, температурите ќе се спуштаат и до минус 4 степени

Иако сме веќе во средината на април, времето и натаму останува под просекот за овој период од годината. Според најавите од Управата за хидрометеоролошки работи (УХМР), до крајот на оваа и во текот на следната седмица ќе преовладува променливо облачно и студено време, со повремени врнежи од дожд и снег, особено во внатрешноста и на планините.

Веќе денеска и утре (понеделник и вторник) се очекуваат повремени врнежи, на места од снег, особено во утринските часови. Северниот ветер повторно ќе засилува, со пориви над 70 километри на час, дополнително засилувајќи го чувството на студ.

Температурите ќе останат ниски – утринските минимални ќе се движат од -4 до 1 степен, а дневните од 3 до 10 степени. Во Скопје времето ќе биде променливо облачно со умерен до засилен северен ветер. Минималната температура ќе се спушти до 0, а максималната ќе достигне до 8 степени.

Во втората половина од седмицата, од среда до петок, се очекува стабилизација на времето со постепен пораст на дневните температури. Сепак, студените утра ќе продолжат, особено во котлините.

Кон крајот на седмицата, во петок и сабота, повторно ќе има услови за нов влажен бран, со врнежи од дожд, а на повисоките места и снег.

Според подолгорочната прогноза, вистинското пролетно затоплување може да се очекува по 15 април, кога се предвидува стабилно и потопло време со температури кои ќе се доближат до нормалата за овој дел од април.

Граѓаните се советуваат да се облекуваат соодветно на условите, особено во утринските часови, и да ги следат редовните прогнози од УХМР.