Украдено општинско „ауди“ во Аеродром

Градоначалникот на Општина Аеродром, Дејан Митески, пријавил кражба на службено возило од сопственост на општината.

Според информациите од Министерството за внатрешни работи, Митески (37) го пријавил случајот на 7 април во 22 часот во Полициската станица Аеродром. Тој навел дека автомобилот „Ауди“ со скопски регистарски таблички бил украден од гаражата на општината на булевар „Јане Сандански“ во периодот од 4 април во 15:30 часот до 7 април во 20:40 часот.

Возилото подоцна било пронајдено на улицата „Перо Наков“, но без една од регистарските таблички.

Полицијата презема мерки за целосно расчистување на случајот.