Skip to content
Заменик генералната секретарка на НАТО, Радмила Шекеринска денеска и утре ќе престојува во посета на Црна Гора.
Како што соопшти Прес-службата на НАТО, Шекеринска денеска во Подгорица ќе се сретне со црногорскиот претседател Јаков Милатовиќ и ќе ги посети Центарот за кибер капацитети на Западниот Балкан и Оперативниот центар за кибер безбедност на Владата на Црна Гора.
За утре е предвидено Шекеринска да учествува на отворањето на Младинскиот самит на НАТО во Будва.
На овој петти Младинскиот самит на НАТО, што ќе се одржи на 25 и 26 април, предвидено е учество на млади лидери од сите земји членки и партнери на Алијансата. Организатор на Самитот е НАТО во соработка со Атлантскиот совет на Црна Гора.
