Skip to content
Пожар целосно изгорел барака на улицата „Жданец“ во Скопје, а по гаснењето на огнот во објектот било пронајдено тело на починато машко лице.
Според информациите од полицискиот билтен, случајот бил пријавен во СВР Скопје на 14 ноември, во 23:40 часот. Бараката била во сопственост на 56-годишен скопјанец со иницијали М.Р.
Пожарот го изгаснала екипа на Бригадата за противпожарна заштита на Град Скопје, по што во внатрешноста на објектот било пронајдено телото.
Од полицијата информираат дека се преземаат мерки за расчистување на случајот. Засега нема дополнителни информации за идентитетот на починатиот и за причините за пожарот.
Извор: МВР
