Skip to content
Лидерот на Беса Билал Касами изјави дека во Владата имало разговори какви комбинаторики да се направат во однос на министерските места што би се испразниле со заминувањето на АА и Арбен Таравари во опозиција. Таравари, кој е министер за здравство, вечерва најави дека тој и АА излегуваат од Владата и дека преминуваат во опзиција.
Касами, кој е еден од лидерите во Влен, дел од владејачката коалиција, во интервју за „360 степени“ рече дека не ја исклучува можноста Влен да го даде Министерството за здравство на ВМРО-ДПМНЕ, а за возврат да добие друг ресор. Неофицијално, според „360 степени“ се разгледува можноста ресорот образование да му припадне на Влен, а со здравството да раководи кадар на ВМРО-ДПМНЕ.
Кога веќе беше јасно дека Арбен Таравари си заминува од Владата, во политичките кругови започна да се лицитираат имињата за можен кандидат за оваа позиција. Име кое доминираше е она на Сашо Клековски, актуелниот директор на Фондот за здравствено осигурување.
На прашањето, дали тој најавува реконструкција на Владата, Касами вели дека е можно, но не во пошироки размери.
-Ние со премиерот, односно со претседателот на ВМРО-ДПМНЕ, преговаравме како ВЛЕН и договорот е меѓу ВЛЕН и ВМРО-ДПМНЕ за составување на Владата. На последните средби со премиерот уште еднаш е потврдено дека остануваме на истите заложби. Значи, договорот останува меѓу ВМРО-ДПМНЕ и ВЛЕН и остануваат сигурни позициите на ВЛЕН. Реконструкција ќе има, но Не во пошироки размери, но во некои комбинаторики сигурно ќе има, рече Касами.
