Трајко Славевски во инспекција на македонското злато во Лондон

Девизните резерви, уверува новоименуваниот гувернер Трајко Славевски, „спијат мирно“ – цели 4,6 до 4,7 милијарди евра, доволни, вели тој, да го платат увозот на државата за четири и пол месеци, значи цел месец и кусур повеќе од „светскиот рецепт“ од 3 до 3,5 меци. Оваа статистичка бајка ја сподели денеска на отворена работна средба со шефот на Стопанската комора Бранко Азески и врвот на Комората, па сите присутни длабоко воздивнаа од олеснување.

Но, како што нè учи народна мудрост дека „каде што е златото, таму е и сомнежот“, дел од резервите се токму во благородниот метал што го чуваме – ни помалку ни повеќе – во сефовите на Банката на Англија. Навидум безгрижното „таму е, сигурно е“ не му беше доволно на гувернерот, па затоа оваа есен тој лично, со „тим инспектори“, ќе замине во проверка за да провери дали „македонското злато“ сè уште блеска во подрумите на Threadneedle Street.

Токму тука се откри и малото „но“: количината на злато, призна Славевски, „не е на задоволително ниво“. Колку недостига, не прецизира – доволно, изгледа, за следната пролет повторно да ги собере куферите и да тргне во нова инспекција. До тогаш, останува да ѝ веруваме на статистиката и на англиската галантност дека паричката што ја фрламе во фонтаната – простете, во Банката на Англија – навистина е таму каде што велат дека е.