Skip to content
На пладне, во среда, 10 септември, кампусот на Utah Valley University (Орем, Јута) беше преполн: околу три илјади луѓе се собраа на кампусот за да го слушнат конзервативниот активист Чарли Керк на стартот од неговата турнеја „American Comeback“. Додека одговараше на прашања – токму за оружено насилство – се слушна еден, единствен и јасен истрел. Керк се фати за вратот и падна; паника, крик, трчање, масовно покривање зад столови. Неколку минути подоцна, тој беше префрлен во болница, каде што почина. Властите ја квалификуваа ликвидацијата како „политичка атентатска ликвидација“.
Настанот почнал нешто по 12:00 часот по локално време, а првите повици до диспечерите биле регистрирани околу 12:20–12:26. Сведоци кажуваат дека куршумот стигнал „оддалеку кон левата страна“ на бината. Видео и полициски канали сугерираат дека се работело за еден прецизен истрел во пределот на вратот/вратната артерија. Универзитетот и државните власти подоцна соопштија дека пукањето дошло од покрив на соседна зграда – импровизирана „снајперска“ позиција. Кампусот веднаш беше евакуиран и настаните за остатокот од денот откажани.
Шатор за настанот беше поставен меѓу неколку објекти на UVU. Според првичните реконструкции, пукачот отворил оган од покрив/висока точка на околна зграда оддалечена приближно 180–200 метри, со чиста линија на видливост кон подиумот. Токму таа дистанца и изборот на позиција објаснуваат зошто очевидците слушнале само еден истрел, без веднаш да го лоцираат изворот. Властите избегнуваат да објават технички детали (тип на оружје/муниција), а истрагата ја водат заедно со ФБИ.
Керк (31), коосновач на Turning Point USA и близок сојузник на претседателот Доналд Трамп, подлегна на повредите по пристигнување во Timpanogos Regional Hospital. Трамп објави дека е „ужаснат“ и најави дека федералните служби ќе „го најдат секој вклучен“. Гувернерот на Јута, Спенсер Кокс, нападот го нарече „политичко убиство“. Осуди пристигнаа низ политичкиот спектар во САД.
Во првите часови владееше конфузија: локални извори јавуваа дека има „лице од интерес“ во притвор, потоа дека е пуштено; други медиуми погрешно јавија за осомничен и уапсен. До утрово, властите потврдија дека нема осомничен во притвор и дека трае широка потерница. Истрагата вклучува анализа на снимки од безбедносни камери, дрон-прелети над објектите и обработка на траги од покривите околу периметарот.
Безбедноста на настанот била обезбедена од универзитетската полиција и приватно обезбедување, но станува збор за отворен простор со повеќе покриви и визуелни коридори. Клучното прашање кое ќе ја следи истрагата: дали организаторите и властите направиле доволно проценка на ризик (вклучително и „високи точки“), имајќи предвид профилот на говорникот и претходните закани? Локалните медиуми наведуваат дека дел од присутните не поминале низ метал-детектори, а периметарите не биле целосно затворени – вообичаена практична тешкотија за кампусски настани на отворено.
Еден прецизен истрел од висока позиција, во момент на Q&A, во густ собир – тоа е потпис на планирање и извидување, не спонтан инцидент. Затоа гувернерот Кокс и федералните агенти говорат за „таргетиран“ напад. Паралелно, серија написи во мејнстрим-медиуми го поставуваат убиството во рамка на растечкиот тренд на политичко насилство и закани кон јавни личности последниве години.
Керк беше симбол на хардлајн културната десница: жесток противник на абортусот и силен поддржувач на правото на оружје; на кампови и во подкасти тврдеше дека абортусот е „убиство“ и треба да биде нелегален, што го вгради во неговиот бренд на евангелски конзервативец, а не во традиционален партиски апаратчик. Истовремено, настапуваше против учество на транс-жени во женски спорт и го користеше тоа како пример за „погрешни приоритети“ на либералната политика; во климата често настапуваше скептично, опишувајќи го климатскиот активизам како „тројански коњ“ за левичарска агенда. На изборни теми, беше меѓу најгласните што ги туркаа дискредитираните наративи за масовна изборна измама во 2020, а во пандемијата ширеше тврдења за „100% ефикасност“ на хидроксихлорокин и други дезинформации – за што имаше и санкции/локирања на платформите. Како коосновач на Turning Point USA, стоеше и зад „Professor Watchlist“, список што критичарите го сметаат за инструмент на заплашување на академици.
Една од неговите најскандалозни изјави беше на тема ако некој ја силува неговата ќерка, дали ќе инсистира да го роди детето на силувачот. Неговиот одговор беше. ДА.
never forget when charlie kirk said that if his 10yo daughter gets pregnant through rape, the baby should be delivered
— Qazal 🍒 (@_iqazal_) September 10, 2025
the world is a better place without him https://t.co/uOea2jmiCz pic.twitter.com/YV1Mmow1BC
Како беше убиен Чарли Керк? Со еден, оддалечен истрел, најверојатно од покрив – со избор на време и позиција што ги користат слабостите на отворен кампуски простор. По хаосот, следуваа брза евакуација, национални реакции и сложена истрага без уапсен осомничен во првите 24 часа. Остануваат три клучни непознати: мотивот, точната траекторија/позиција на пукачот и неговиот идентитет. На тоа, според властите, ќе одговорат форензиката, видеата и дојавите од јавноста.
