Евзони ќе се прошири а биометриските проверки од 12 октомври

Грција стартува со надградба на граничниот премин Евзони со проект вреден 24,6 милиони евра, со цел да се скратат колоните и да се зголеми протокот на возила и патници. Планот предвидува архитектонски и сообраќајни интервенции и повеќе ленти за влез и излез; летово таму дневно се проверувале меѓу 15 и 25 илјади пасоши. Грчкиот синдикат на полицајци од Килкис поздравува проширување, но бара и засилување на кадарот, откако годинава беа додадени 20–25 полицајци, што и натаму е недоволно во шпиц.

Паралелно, Европската унија го воведува новиот Систем за влез/излез (ЕЕС) на 12 октомври 2025, со шестмесечна постепена примена на сите надворешни граници на Шенген. ЕЕС ги заменува печатите со дигитална евиденција и задолжително прво регистрирање со отпечатоци и фотографија за државјани на трети земји, што, според грчките полицајци, може привремено да го забави протокот на копнените премини додека системот се „вози“ во реални услови.

Официјалните упатства на ЕУ наведуваат дека граничните точки ќе го воведуваат ЕЕС по фази до април 2026, со простор за оперативни прилагодувања за да се избегнат застои. Туристичките оператори и грчките власти најавуваат технички и организациски мерки за ублажување на чекањата во првите месеци од примената.