Skip to content
Силната соработка меѓу општините е клучна за хармоничен развој, е ставот на кандидатката за градоначалничка на Скопје на коалицијата предводена од СДСМ, Каја Шукова.
За оставрување на таа цела на краток рок, Шукова најаува воспоставување редовни средби на градоначалниците на сите скопски општини и развој на заеднички стратегии за решавање на заедничките предизвици.
За успешна реализација на овие намери, Шукова планира создавање заеднички тела за координација на клучните услуги.
На среден рок за ефикасна соработка меѓу општините Шукова предвидува развој на заеднички планови за урбано планирање и развој на инфраструктурата и воведување заеднички системи за јавниот превоз, управување со отпад и води и други услуги.
Шукова најавува хармонизирање на локалните прописи, процедури, правилници и програми, како на пример усогласени правилници за поставување урбана опрема.
На долг рок кандидатката за градоначалничка на Скопје на коалицијата предводена од СДСМ, Каја Шукова, има за цел создавање метрополен регион Скопје со заедничко стратегиско планирање со останатите општини и развој на заеднички маркетинг и промоција на градот.
Според нејзината програма за остварување на овие цели од интерес на граѓаните е важно воспоставување постојани структури за соработка меѓу општините.
