СДСМ: Црната кампања на ДПМНЕ прерасна во паника – со лаги го прикриваат хаосот во енергетиката и во РЕК

Црната кампања на ДПМНЕ прерасна во паника – со лаги го прикриваат хаосот во енергетиката и во РЕК, истакнуваат во соопштение од СДСМ. Велат дека ВМРО-ДПМНЕ е во очај и наместо резултати, проекти и решенија за граѓаните, тие секој ден измислуваат нови лаги и манипулации за претседателот на СДСМ.

Еве што се наведува понатаму во реакцијата на СДСМ:

Денешната прес-конференција е класичен пример на црна кампања која прераснува во политичка паника. Она што го говори ВМРО-ДПМНЕ е целосна невистина без било каква основа, ниту пари од тендери завршувале кај фирми за кои зборуваат ниту пак на било кој начин е поврзан претседателот Филипче. Тоа се лажни обвинувања и измислени конструкции.  Впрочем ако имаше барем трошка вистина, немаше да поставуваат прашања на прес-конференција. 

Очигледно е дека Мицкоски и ВМРО-ДПМНЕ немаат никакви резултати да им ги покажат на граѓаните, па затоа целиот фокус го насочуваат кон црна кампања против претседателот Венко Филипче и СДСМ.

Ова веќе добива комични димензии, каде е видено власт да зборува само за опозицијата, а да не каже ниту еден збор за своја политика, проект или успех?

СДСМ ќе продолжи да се бори за вистината и да ги разобличува лагите и манипулациите на ВМРО-ДПМНЕ.

Додека ВМРО-ДПМНЕ шири лаги, енергетиката е во целосен хаос, во РЕК Битола се уште не работи Блок 3 на праг на грејна сезона.  

Колку повеќе Мицкоски се крие зад лажни прес-конференции, толку појасно станува дека вистинскиот проблем е нивното владеење и неспособноста, од економијата, преку енергетиката, до секоја друга област.