Skip to content
Во рамките на програмата Jazz Cinema на Скопскиот џез фестивал, вечерва од 20 часот во киното „Фросина“ ќе биде прикажан документарниот филм We Want the Funk! на режисерот и продуцент Стенли Нелсон, создаден во 2025 година во корежија со Никол Лондон.
Филмот нуди ритмична и енергична приказна за корените и развојот на фанк музиката – од Џејмс Браун до Parliament-Funkadelic. Преку динамични сцени и архивски снимки, авторите ја прикажуваат фанк културата како огледало на радоста, отпорот и еманципацијата на афро-американската заедница во годините по движењето за граѓански права.
We Want the Funk! ја истражува врската меѓу музиката, политиката и урбаната култура од 70-тите години, прикажувајќи како ритамот на Средниот запад на Америка станал глас на едно време и едно движење.
