Skip to content
Познатиот графички дизајнер и уметник Зоран Кардула ја одбележа 81-годишнината од ослободувањето на Битола со впечатлива уметничка креација објавена на своите социјални мрежи.
Во својата најнова графика со натпис „Битола 1944 – 2025“, Кардула преку современ визуелен израз ја спојува историјата и сегашноста на градот, оддавајќи почит на борците кои ја ослободија Битола на 4 ноември 1944 година. Делото е карактеристично по неговиот препознатлив минималистички стил и симболична употреба на боите на слободата.
Кардула, познат по своите уметнички серии инспирирани од македонската историја и култура, со оваа работа повторно ја потврди својата посветеност кон негување на националното сеќавање преку дизајнот.
Со кратката порака „81 години од ослободувањето на Битола, честит да е! СФСН!“, уметникот упати честитка до својот роден град, претворајќи ја годишнината во визуелна симболика на гордост и благодарност.
