Дали има причина да се стравува од пожарот во бугарската нуклеарна централа Козлодуј?

Во бугарската нуклеарна централа Козлодуј избувна пожар во просторијата на безбедносниот систем на петтиот блок, што предизвика вонредна реакција на вработените, објавува порталот Новините.

Поради густиот чад, беше повикана противпожарната служба, а екипите на електраната веднаш почнаа да ја заменуваат оштетената опрема и да ги проверуваат безбедносните системи.

Нуклеарната централа Козлодуј се наоѓа околу 120 километри северно од Софија, во близина на границата со Романија.

Тоа е единствената нуклеарна централа во Бугарија, со два реактори од 1.000 мегавати кои обезбедуваат околу 30 проценти од вкупната електрична енергија во земјата.

Четири постари реактори, секој со капацитет од 440 мегавати, беа затворени помеѓу 2002 и 2006 година, во согласност со условите што Бугарија мораше да ги исполни за да се приклучи кон Европската Унија.