Осомничен за падот на настрешницата уапсен во Хрватска: Единствениот кој досега избегнал испрашување

Еден од осомничените во случајот на Обвинителството за организиран криминал во истрагата за финансиски текови во врска со падот на настрешницата во Нови Сад, Г.Р., уапсен е на 1 ноември во Хрватска, објави РТС според извори од обвинителството . Информацијата ја потврди Министерството за правда.

Г.Р. е уапсен врз основа на потерница издадена од надлежните органи на Република Србија, соопшти Министерството.

Тој бил во бегство и единствениот кој не бил сослушан во случајот поврзан со падот на настрешницата на железничката станица во Нови Сад.

Со одлука на Окружниот суд во Славонски Брод му е одреден екстрадициски притвор.

Министерството за правда по официјалната информација дека Г.Р. е уапсен, поднело барање за екстрадиција до надлежните хрватски органи на 12 ноември, во согласност со билатералниот договор.