„Јас сум УЧК“ – Ахмети со повик за утрешниот протест

Али Ахмети, лидерот на ДУИ во објава на „Фејсбук“ ги повикува поддржувачите на утрешниот протест во Скопје, под слоганот „Јас сум УЧК“.

„Слободата има име, УЧК. И ова име останува дел од нашиот национален идентитет и достоинство“, напиша Ахмети повикувајќи на заедничко и одговорно учество.

Поддршка за протестот дадоа повеќе политички фактори од партискиот албански блок во земјата, меѓу кои и партии кои се дел од владината коалиција.

Протестот се организира во знак на поддршка за поранешните водачи на УЧК, на кои им се суди за воени злосторства во Хаг и е закажан за утре, 13 декември, во 13 часот, на плоштадот Скендербег во Скопје.

Најавено е и присуство на ветерани на УЧК од Косово, како и граѓани од Косово и од Албанија.