Карпош е во среден век, утре пак без вода

Делови од Општина Карпош утре, 30 декември 2025 (вторник), ќе останат без вода поради уличен дефект на улицата „Нобелова“, на крстосницата со улицата „Хелсинки“. Прекинот во водоснабдувањето е најавен од 9:00 часот и ќе ги опфати корисниците на улиците „Нобелова“ и „Виенска“, како и делови од „Хелсинки“ и „Лондонска“.

Од ЈП „Водовод и канализација“ – Скопје информираат дека водата ќе биде повторно пуштена по завршување на интервенцијата и целосно отстранување на дефектот.