Skip to content
Само неколку часа по настапот на полувремето на Супербоул LX, Инстаграмот на Bad Bunny беше „исчистистен“ : Беа тргнати сите објави од профилот, отстранета профилната фотографија и, според повеќе медиуми, отследени сите профили што ги следел. Потегот дојде без никакво објаснување, а токму тоа ја запали шпекулацијата: дали станува збор личена одлука која беше демантирана за ТМЗ од страна на Бед Бани или за политичка одлука на Инстаграм и тех-милионерите кои се под притисок на Трамп.
Newsweek забележа дека по шоуто профилот останал без објави, додека People и E! Online дополнуваат дека на профилот останала само био-врска до албумот Debí Tirar Más Fotos, што уште повеќе го поттикна чувството дека се гради „мистерија“ околу следниот чекор на артистот. Засега, ниту Bad Bunny ниту неговиот тим не излегоа со официјална причина зошто е направен овој потег.
Контекстот е огромен: Bad Bunny беше хедлајнер на Apple Music Super Bowl LX Halftime Show на 8 февруари 2026 на Levi’s Stadium во Санта Клара, Калифорнија. Дел од рецензиите го опишаа настапот како силна прослава на порториканскиот идентитет и пораки за единство, со гостувања што ги наведуваат Apple и Pitchfork (меѓу нив Леди Гага и Рики Мартин). Кога настапот е толку доминантен во јавниот разговор, празниот Инстаграм често се чита како продолжение на режијата: „стариот фид“ се брише за да остане само моментот – и да се насочи вниманието кон тоа што следува.
Но потегот се случи и во атмосфера на поделени реакции. Ројтерс пренесе дека Доналд Трамп остро го критикувал шоуто на социјалните мрежи, што дополнително ја политизираше дискусијата околу настапот. Во таков амбиент, „ресетирањето“ на профил може да значи и поставување граница – намалување на дигиталниот „шум“ и избегнување да се хранат дневните контроверзии со нови објави. Сепак, ова останува претпоставка, бидејќи директна потврда од артистот нема. Oттука се поставува и прашањето дали намерно е „исчистен“ инстаграм профилот на артистот?
Практиката на целосно бришење/архивирање на Инстаграм фид кај големи ѕвезди одамна е позната како драматичен сигнал: или почеток на нова кампања, или естетски ребрендинг, или порака дека архивата повеќе не ја претставува „сегашната“ верзија на артистот. Во случајот на Bad Bunny, дополнителниот детал – дека во био останала врска до конкретен албум – ја прави оваа теорија уште попримамлива: профилот е претворен во еден единствен „патоказ“ наместо во дневник. Но додека не се појави официјална изјава, најточното објаснување е и наједноставното: не е јасно зошто – и токму затоа интернетот ќе продолжи да бара смисла во празниот екран.