Skip to content
Променливо облачно време со слаби врнежи од дожд ја зафаќа земјава, со пад на температурите и засилен ветер, најавуваат метеоролозите за наредните денови. Според прогнозите, ваквото нестабилно време ќе се задржи во поголем дел од неделата, особено во западните региони каде врнежите ќе бидат почести.
Во текот на денот ќе преовладува променлива облачност, со повремени локални врнежи од дожд, додека на планините и повисоките места ќе има услови врнежите да преминуваат во снег поради продор на постуден воздух од север.
Ќе дува умерен ветер од источен и југоисточен правец, а температурите ќе бидат во пад во однос на претходните денови. Минималните ќе се движат од околу 0 до 6 степени, додека максималните ќе достигнат меѓу 8 и 14 степени.
Во Скопје се очекува слично време – променливо облачно со повремени слаби врнежи од дожд во одделни делови од котлината. Ветерот ќе биде слаб до умерен, а температурите ќе се движат од околу 4 до 12 степени.
Во следните денови ќе продолжи променливото и посвежо време, со повремени врнежи, додека кон крајот на неделата се очекува стабилизирање и посув период.