Skip to content
Хрватската влада во понеделник ќе излезе со конкретни мерки за справување со ценовниот шок, изјави денеска премиерот на оваа држава Андреј Пленковиќ.
Лидерите на земјите-членки на ЕУ ја задолжија Европската комисија да подготви дополнителни мерки и алатки за намалување на цените на енергијата, а хрватската влада беше меѓу првите што воведе мерки за намалување на ценовниот шок изјави Пленковиќ кој учетвува на Европскиот совет и Самитот на еврозоната во Брисел.
Тој најави дека денес ќе одржи состанок на оваа тема и дека владата во понеделник ќе излезе со мерки за да спречи големо зголемување на цените што неизбежно би се случило со оглед на состојбата на пазарот.
Пленковиќ потсети дека Хрватска е меѓу првите што веднаш го намалија зголемувањето на цените за евросупер, евродизел и синиот дизел, како и за течниот нафтен гас за резервоари во цилиндри, додавајќи дека следува глобална криза за нафта.
„Светот е на почеток на она што најверојатно ќе биде најголема енергетска криза“ порача Пленковиќ.