Избрани најшарените градови на светот, еден од нив на Балканот

Избрани најшарените градови на светот, а на листата се најде и еден град од Балканот. Новото рангирање, е направено врз основа на студија на ирската компанија JustCover, која анализирала 78 градови преку дневни фотографии и бројот на различни бои видливи на нив. На врвот е Лисабон со повеќе од 2,6 милиони детектирани бои, пред Куала Лумпур и Порто, додека Дубровник се најде на 11. место.

Оваа листа не мери само туристичка популарност, туку визуелен впечаток. Затоа во самиот врв се градови што се препознатливи по силни фасади, теракотни кровови, обоени балкони, улични скали, плочки и препознатливи урбани контрасти. Португалија има два града во првите три, а меѓу првите пет се уште и Картагена и Рио де Жанеиро.

Во продолжение е табелата со 15-те најшарени градови според листата што Н1 ја пренесе од JustCover.

Присуството на Дубровник на оваа листа е потсетник дека и Балканот има градови што не се паметат само по историја и разгледници, туку и по боја, светлина и силен визуелен идентитет. Во време кога изборот на дестинации сè повеќе оди и преку фотографијата, ваквите рангирања покажуваат дека изгледот на еден град веќе станува дел од неговата туристичка вредност.