Пред 2029 нема да возиме Скопје Охрид по автопат, рече Мицкоски

Целосното автопатско поврзување од Скопје до Охрид се планира до 2029 година, според најавата на премиерот Христијан Мицкоски. Тој на Ќафасан изјави дека дотогаш треба да бидат завршени делниците од Тетово до Охрид, со кои ќе се заокружи патниот правец.

Мицкоски посочи дека работите на Тетово–Гостивар и Гостивар–Букојчани напредуваат според предвидената динамика. Информираше дека почнала и изградбата на Букојчани–Кичево, која треба да ги поврзе овие делници со автопатот Кичево–Охрид.

За Кичево–Охрид најави пуштање во употреба во 2027 година. Завршувањето на оваа делница, сепак, само по себе нема да обезбеди непрекинато автопатско патување од главниот град до Охрид, бидејќи треба да бидат готови и преостанатите врски.

Рокот за 2029 година беше соопштен и во мај годинава од министерот за транспорт Александар Николоски за делниците Тетово–Гостивар и Гостивар–Букојчани. Тогаш Николоски најавуваше дека Кичево–Охрид ќе биде функционален во првиот квартал од 2027 година.

За продолжувањето кон Албанија останува потребата од поинакво техничко решение. Мицкоски објасни дека кај Требеништа е оставена клучка кон Ќафасан, но трасата треба да ги земе предвид ограничувањата поврзани со заштитата на охридскиот регион од УНЕСКО.

Рацин.мк ве прашува:

Кој најмногу придонесува говорот на омраза да стане нормална појава во Македонија?

Најчитано

Рацин.мк ве прашува:

Кој најмногу придонесува говорот на омраза да стане нормална појава во Македонија?