Над 200 сведоци и страв од долго судење кај родителите на загинатите во „Пулс“

Родителите на загинатите во кочанската дискотека „Пулс“ стравуваат дека повеќе од 200 сведоци предложени од одбраната ќе го продолжат судењето и дополнително ќе ги исцрпат семејствата. Бараат постапката да заврши во разумен рок, со одлука заснована врз доказите.

Александар Наунов и Томче Стојанов во емисијата „Ноќно студио“ на 4ТВ изразија сомнеж дека обемната листа сведоци служи за добивање време. Според изнесеното во разговорот, дел од предлозите во меѓувреме биле повлечени.

За семејствата секое рочиште значи патување од Кочани до Скопје и повторно соочување со сведочењата и деталите од трагедијата.

„Никој не нè прашува како преживуваме секое рочиште“, порачаа родителите.

Тие изразија незадоволство и од однесувањето на дел од адвокатите, оценувајќи дека не покажуваат доволно почит кон семејствата.

Наунов, сепак, го оцени досегашното темпо како интензивно, со приближно едно рочиште неделно. Изрази надеж дека ќе се закажуваат почести термини. Родителите нагласија дека не бараат ограничување на правата на обвинетите.

Судењето почна на 19 ноември 2025 година. Во пожарот на 16 март истата година загинаа 63 лица, а повеќе од 200 беа повредени.

Рацин.мк ве прашува:

Кој најмногу придонесува говорот на омраза да стане нормална појава во Македонија?

Најчитано

Рацин.мк ве прашува:

Кој најмногу придонесува говорот на омраза да стане нормална појава во Македонија?