Skip to content
Даријан Сотировски објави на социјалните мрежи дека на денешната седница Уставниот суд конечно одлучувајќи по неговата иницијатива поднесена пред една година, донесе Одлука со која ја укина како неуставна и незаконска Одлуката за утврдување правила во урбанистичкото планирање и спроведување на параметри во рамки на дефинирана градежна парцела за реализација и спроведување на урбанистички план бр.08- 7099/17 од 12.06.2024 година, донесена од Советот на Општина Тетово („Службен гласник на Општина Тетово“ бр.7/2024).
Сотировски посочува дека ова е мала и значајна победа со која што се:
– Оневозможува паралелен систем за урбанистичко планирање спротивен на државниот;
– Оневозможува оживување и злоупотреба на станбените заедници кои постоеле во минатото;
– Оневозможува ориентациони параметри за објектите за спроведување на ДУП;
– Оневозможува утврдување на градежна линија со записник на лице место по ,,око”, како и тоа дека истата може да се менува;
– Оневозможува просторот под кровната конструкција да се пренамени во станбен спротивно на важечкиот ДУП;
– Оневозможува градење на објекти со мала површина од 420м2 во намена А1 – станбени куќи со дури 8 станбени единици (станови), а со цел изигрување на правилата што е куќа, а што зграда со намена А2;
– Оневозможува дерогирање на утврдените висини на градење во ДУП;
– Оневозможува дозволување на компитабилна намена Б1 во објекти со класа на намена А1кога со урбанистички план истото не е дозволено;
– Оневозможува примена на подзаконски акти спротивно на уреденото со Закон; и
– Оневозможува Советот на Општина Тетово да преземе улога на Собрание на Република Македонија и да носи одлуки кои ги заменуваат законите донесени од Собранието.
Како граѓани можеме со мали чекори секојдневно да му служиме на јавното добро, истакнува Дарјан Сотировски во својата објава.
„Советниците и пратениците кои се платени и избрани не само да му служат, туку и да се борат за јавното добро нека продолжат да молчат и да ги одобруваат глупостите кои секојдневно го уништуваат Тетово. А, да, од време на време нека продолжат да објавуваат слики со Билал Касами…“, посочува Сотировски.